Este ano, debido á situación epidemiolóxica, non se pode celebrar a carreira de Santa Bárbara coma noutras ocasións. Igualmente, propuxémonos celebrar una edición máis da carreira, pero neste caso de xeito “virtual”.
A maneira de participar este ano, será de forma individual, segundo dite a normativa Covid vixente no momento da proba. O prazo será dunha semana a contar dende o 27 de Novembro ata o 4 de Decembro, ambos incluídos.
Contamos con que o deporte individual se poida seguir a practicar no caso dun confinamento. Cada participante ten que saír a correr 5 km e gravar o rexistro da actividade cunha aplicación coma Strava, Garmin ou semellante. Se o fai a través de algunha destas plataformas, pode conectar a súa conta coa conta da Delegación de Alumnado de Minas e Enerxía e subir a información da ruta completa.
Tamén se acepta una captura de pantalla da actividade coa información completa.
Inscricións
Para preinscribirse na proba é preciso cubrir a seguinte ligazón: https://forms.gle/LG4NC4q13f7RpHeq9
É necesario cubrir a seguinte ligazón unha vez feita a proba para validar a inscrición: https://forms.gle/1RAhEe5TMXACPHsL6
A organización resérvase o dereito a limitar o número máximo de participantes en calquera momento.