O persoal da Universidade de Vigo participou esta semana masivamente na realización dos test masivos PCR sobre saliva, unha resposta que dende o equipo de goberno foi valorada como “tremendamente positiva”. En total foron 2303 os traballadores e traballadoras que o martes se achegaron ás conserxarías dos seus centros para entregar as probas, o que supón un 79,1% das persoas convocadas. “Son datos que amosan que o noso persoal está preocupado pola situación sanitaria que estamos a vivir e que é tremendamente responsable”, explica o vicerreitor de Planificación e Sostibilidade, José Luis Míguez.
O persoal da UVigo participa masivamente na realización das probas PCR
