Co obxecto de favorecer a mellora continua das titulacións impartidas na Universidade de Vigo en Xeral e na Escola de Enxeñaría de Minas e Enerxía en particular, garantindo un nivel de calidade que facilite a súa acreditación e o mantemento da mesma, considérase necesario establecer un Sistema de Garantía de Calidade (SGC).
En consonancia co Real Decreto 822/2021, de 28 de setembro, polo que se establece a organización dos ensinos universitarios e do procedemento de aseguramento da súa calidade, todos os títulos que se imparten na Escola de Enxeñaría de Minas e Enerxía intégranse nun Sistema de Garantía de Calidade (SGC), e participan nos programas de Verificación, Acreditación e Seguimento de Títulos.
A comisión de calidade do centro é o órgano encargado da planificación das tarefas relacionadas coa implantación e seguimento do SGC.