Pazo Rodríguez, María

Enxeñeira de minas e investigadora predoutoral en matemáticas aplicadas á explotación sostible dos recursos minerais na UVigo. É coautora de 4 artigos en revistas de prestixio internacional, e 9 contribucións en congresos nacionais e internacionais. Realiza estadías de investigación na Escola Superior de Tecnologia do Instituto Politécnico de Castelo Branco (Portugal) por 5 meses, e na Montanuniversität Leoben (Austria) por un período de 6 meses. É colaboradora de divulgación científica do centro desde setembro 2019. Asiste como representante da Escola en feiras de orientación universitaria (EDUGAL, congreso NEV-Novos Estilos de Vida, etc.) e feiras científicas como G-night, Ciencia na rúa, etc. Forma parte do grupo de innovación docente XEODA (Xeoloxía orientada á docencia) da UVigo.