O día 4 de novembro terá lugar na Escola de Enxeñaría de Minas e Enerxía da Universidade de Vigo a II xornada “A muller na profesión de Enxeñaría de Minas, Enerxía e Materiais”.
Esta xornada dá continuidade á celebrada no ano 2019 sobre a mesma temática. O obxectivo é dar visibilidade e poñer en valor a actividade profesional das mulleres nos ámbitos da Enxeñaría de Minas, Enerxía e Materiais, a partir das experiencias persoais de homes e mulleres nestes ámbitos.
Encádrase dentro das actividades de igualdade que se desenvolven na Escola de Enxeñaría de Minas e Enerxía e está financiada cos fondos do Distintivo de Igualdade da Universidade de Vigo acadado polo centro no ano 2021.
Inscricións: en liña
Contacto: eme@uvigo.es | 986 811 922