O profesor Ignacio Pérez Rey recibiu recentemente o premio Young Rock Engineer Award da International Society for Rock Mechanics and Rock Engineering (ISRM), co que se recoñece a excelencia neste eido dos membros máis novos da sociedade que destaquen polas súas achegas para resolver problemas de enxeñaría, polo uso pioneiro de novos métodos e materiais ou pola súa contribución ás prácticas de enxeñaría sostible e a promoción da profesión da enxeñaría.
Investigador posdoutoral do grupo GESSMin, Xestión Segura e Sostible de Recursos Minerais, adscrito ao Cintecx, o Centro de investigación en Tecnoloxías, Enerxía e Procesos Industriais da Universidade de Vigo, Pérez Rey está especializado no estudo da resistencia á tracción e a deformabilidade das rochas. Este non é o primeiro premio internacional que recibe, xa que en 2024 foi recoñecido, xunto ao profesor Leandro Alejano, polo Premio internacional Giovanni Barla ao mellor artigo de 2023 por un estudo sobre estruturas xeolóxicas singulares, entre elas a Pena do Equilibrio de Ponteareas.
Facendo clic no botón accédese á preesentación que Ignacio Pérez Rey preparou para a ISRM
IR Á PRESENTACIÓN