O venres 13 de xuño de 2025 celebrouse no paraninfo da Universidade de Vigo o acto de graduación das 12as promocións dos graos en Enxeñaría da Enerxía e en Enxeñaría dos Recursos Mineiros e Enerxéticos, así como da 10a promoción do máster Universitario en Enxeñaría de Minas e da 1ª do máster Universitario en Xestión Sostible da Auga.
O evento estivo presidido pola vicerreitora de Estudantado e Empregabilidade, Natalia Caparrini; o alcalde de Vigo, Abel Caballero; a vicepresidenta do Ilustre Colexio Oficial de Enxeñeiros Técnicos de Minas de Galicia, Miriam Couso; o decano do Ilustre Colexio Oficial de Enxeñeiros de Minas do Noroeste, Juan José Fernández Díaz; e a directora da Escola de Enxeñaría de Minas e Enerxía, Elena Alonso. Eduardo Liz Marzán e Raquel Pérez Orozco actuaron como padriños da promoción dos graos.
A lección maxistral foi impartida por Manuel Costa Camarero, enxeñeiro de fotovoltaica en Octopus Energy Services. Inés Amoedo Ortega e Rafael da Hora Lavigne falaron en nome do alumnado de grao. Amanda Franco Sardinha, Susana Martínez Alfaya e Lidia Pinto Peña falaron en nome do estudantado de máster.
Neste acto, os Colexios de Enxeñeiros Técnicos de Minas e de Enxeñeiros de Minas do Noroeste outorgaron os premios aos mellores expedientes do grao en Enxeñaría dos Recursos Mineiros e Enerxéticos, grao en Enxeñaría da Enerxía (undécima promoción) e do máster en Enxeñaría de Minas (novena promoción), respectivamente.
O acto estivo amenizado polo coro de mulleres ElaSong e, tras a súa finalización, ofreceuse un aperitivo no vestíbulo da Escola de Enxeñaría de Minas e Enerxía.
Publicamos a seguir o discurso da madriña do acto, Raquel Pérez Orozco
LER DISCURSO