A Escola de Enxeñaría de Minas e Enerxía celebrou o martes 3 de decembro a súa patroa, Santa Bárbara, símbolo de protección e seguridade nos traballos do sector dos recursos mineiros. Fíxoo cun acto no vestíbulo do centro no que se reuniron numerosos representantes da comunidade universitaria e onde, entre outros, entregáronse os premios de relatos curtos Contos_EME, que este ano 2024 chega á súa terceira edición.
Nesta ocasión os relatos deberían comezar coa frase: “Ela di que quere contribuír a mellorar a vida das persoas e que si estuda na Escola de Enxeñaría de Minas e Enerxía en Vigo vai poder facelo porque…”.
As persoas premiadas
Na categoría de bacharelato ou ciclo superior de FP o galardón foi para Emma Regueira, do IES Johan Carballeira de Bueu.
[Aquí podes ler o seu relato]
Na categoría de alumnado de grao ou mestrado da Universidade de Vigo para Brian Torres, do Grao en Enxeñaría da Enerxía.
[Aquí podes ler o seu conto]
Ademais entregáronse dous accésits:
a Emma Duro, do IES Antón Losada Diéguez da Estrada, e
[Aquí podes ler o seu texto]
a Lucía Castrillo, do Grao en Enxeñaría de Tecnoloxías de Telecomunicación.
[Aquí podes ler a súa narración]