Conde Fontenla, Marcos

Marcos Conde Fontenla é Enxeñeiro Industrial (2009), Doutor en Enxeñaría Térmica (premio extraordinario 2017). Desde 2010, exerce de investigador no Grupo de Tecnoloxía Enerxética (GTE), pertencente ao Centro de Investigación en Tecnoloxías, Enerxía e Procesos Industriais (CINTECX). Actualmente, é profesor Contratado Doutor na área de Mecánica de Fluidos da Universidade de Vigo.

Iniciou a súa carreira profesional no sector da automoción, onde se formou en deseño de produto-proceso, transferencia de calor e fluxo de gases en motores de combustión interna. En 2009 incorporouse á Universidade de Vigo, colaborando con empresas como BorgWarner en proxectos sobre sistemas de intercambio de calor. En 2017 recibiu o premio á transferencia tecnolóxica de Galicia pola súa labor neste ámbito.

A súa investigación céntrase na ebulición nucleada e dispositivos de transferencia térmica, sendo coautor de máis de 10 publicacións JCR (158 citas, índice-h de 7). Ademais, participou en máis de 60 contratos de investigación con entidades públicas e privadas e en 5 proxectos competitivos de I+D+i nacionais e europeos.

Na docencia, impartiu máis de 2000 horas en enxeñaría. De 2021 a 2025, foi secretario do Departamento de Enxeñaría Mecánica, Máquinas e Motores Térmicos e Fluidos.