fbpx
Escola de Enxeñaría de Minas e Enerxía

Os indicios de ocupación prehistórica afloran tralas pinturas rupestres de Vilardevós

A profesora Beatriz Comendador dirixe a intervención

En setembro e outubro de 2018 un equipo galaico-luso liderado pola arqueóloga da Universidade de Vigo Beatriz Comendador iniciou, cunha intervención arqueolóxica no Penedo Gordo ou Penedo da Moura de Vilardevós, en Ourense, un proxecto que tiña como obxectivo principal determinar se existía ou non ocupación vinculada ás pinturas rupestres de estilo esquemático atopadas neste penedo en 2017. Os primeiros resultados da intervención, financiada pola Dirección Xeral do Patrimonio Cultural da Consellaría de Cultura e Turismo, verifican “a excepcionalidade deste xacemento” e confirman “a presencia de indicios de ocupación prehistórica inmediatos ás paredes pintadas do penedo”.

20190328
Ler máis...

A Olimpíada de Minas reúne no campus 150 estudantes

Procedentes de Madrid e Vigo, competirán e compartirán experiencias ata o sábado

A Escola de Enxeñaría de Minas e Enerxía leva anos participando no Cartel de Minas, unha competición deportiva na que se miden centros de toda Europa. Tras a súa experiencia nesta cita internacional decidiron poñer en marcha un evento similar de carácter nacional, que a partir de hoxe xoves celebra a súa primeira edición. Baixo a denominación de Olimpíada de Minas, arredor de 150 alumnos e alumnas de escolas de enxeñaría de minas, enerxía e materiais de Vigo e Madrid medirante ata o sábado en ligas e competicións de atletismo, fútbol 7, baloncesto, tenis, voleibol, balonmán e tenis de mesa.

20190321
Ler máis...

O concurso 'Eme_Pakuxa' busca mellorar as técnicas de improvisación oral da comunidade universitaria

Cada participante terá 20 segundos para defender cada unha das 20 diapositivas propostas

Pecha Kucha é unha modalidade de presentación oral, dinámica e curta creada no 2003 e que na actualidade está a consolidarse a través de diferentes congresos e concursos. Adaptando este formato oriental a concurso, a Escola de Enxeñaría de Minas e Enerxía xunto coa Delegación do Alumnado puxeron en marcha o concurso Eme_Pakuxa que terá lugar os días 3 e 4 de abril no vestíbulo do centro. Trátase dun certame de improvisación oral que pretende contribuír a mellorar a técnica das exposicións orais da comunidade universitaria así como divertir ás e aos asistentes a través de exposicións breves de seis minutos e 40 segundos.

20190318
Ler máis...

A directora xeral de Investigación e Innovación defende en Vigo a necesidade de potenciar o papel das OTRIs

Na súa visita reuniuse cos responsables das tres escolas de enxeñaría do campus

A directora xeral de Investigación, Desarrollo e Innovación do Ministerio de Ciencia, Innovación y Universidades, Teresa Riesgo, defendeu este venres en Vigo a necesidade de potenciar o papel das Oficinas de Transferencia de Resultados, OTRIs, tanto das universidades como de calquera outro organismo de investigación (hospitais, fundacións, centros tecnolóxicos, etc) como unha das principais estratexias para favorecer a transferencia. Fíxoo na Escola de Enxeñería Industrial onde impartiu a conferencia La transferencia del conocimiento: próximo reto europeo, unha intervención na que estivo acompañada polo reitor da Universidade de Vigo, Manuel J. Reigosa; a vicerreitora de Transferencia, Consuelo Pérez e o director da EEI, Juan Pardo.

20190315
Ler máis...

A Universidade participa nun proxecto que consegue reducir o impacto ambiental das caldeiras domésticas de biomasa

Deseñado un primeiro prototipo, a idea é que chegue ao mercado nun prazo de dous anos ou tres anos

Buscábase un sistema capaz de reducir as emisións contaminantes das caldeiras domésticas de biomasa, reducindo o seu impacto ambiental e os posibles efectos prexudiciais sobre a saúde, e cumpríronse os obxectivos. Esta semana tivo lugar no campus de Vigo a reunión de peche do proxecto de investigación Sirep –Sistema intelixente de retención electroestática de partículas-, un traballo liderado pola empresa viguesa Dinak, punteira no sector das chemineas, e no que participou o Grupo de Tecnoloxías Enerxéticas da Universidade de Vigo, que prestou apoio e asesoramento no desenvolvemento da tecnoloxía vinculada aos procesos requiridos para o desenvolvemento do prototipo final do proxecto.

20190307
Ler máis...