fbpx
Escola de Enxeñaría de Minas e Enerxía

Novo alumnado

O equipo directivo da EME quere darvos a benvida á Escola de Enxeñaría de Minas e Enerxía e informarvos das actividades de benvida dos primeiros días de setembro

ACTO DE BENVIDA

O venres 6 de setembro ás 10.00 horas na Aula M-211, terá lugar o acto de benvida ao estudantado de novo ingreso dos graos do centro. O acto servirá para recibir ao novo estudantado e para informarvos dos aspectos máis relevantes para comezar o curso e os estudos na escola:

A continuación, o estudantado veterano da escola dirixiranvos nunha visita polo centro para que coñezades as súas instalacións.


Para nós é moi importante coñecer as vosas inquedanzas e expectativas en relación ao grao que ides cursar e a vosa futura vida universitaria, polo que nos gustaría que cubrísedes a seguinte enquisa:

REALIZAR A ENQUISA


Os que cubrades esta enquisa a través deste formulario, recibiredes un agasallo da Escola na xornada do venres 7 de setembro! Agardamos as vosas respostas...


COMEZO DAS CLASES

O luns 9 de setembro as clases comezarán segundo os horarios e calendario escolar aprobados polo centro.


INFORMACIÓN ACERCA DO CENTRO DE LINGUAS E SERVICIO DE DEPORTES DA UVIGO

O mércores 11 de setembro na aula M-211 de 13.00 a 14.00 h, informarase ao novo estudantado da oferta formativa en idiomas e da oferta deportiva da UVigo.


CURSO SOBRE OS RECURSOS DA BIBLIOTECA

Os mércores 25 de setembro e 2 de outubro en horario de 13.00 a 14.00 h, impartirase no laboratorio de informática M-213 un curso sobre o emprego dos recursos didácticos da biblioteca. A sesión do 25 de setembro está reservada para os grupos B1 e B2, e a do 2 de outubro para o B3 e B4.


PRIMEIRA REUNIÓN DE MENTORIZACIÓN

O mércores 18 de setembro de 13.00 a 14.00 h na Aula M-211, celebrarase a primeira reunión dos Mentees cos seus mentores, dentro do programa de mentorización da escola (MEET-Minas).


Esperámoste nos Actos de Benvida para comezar todos xuntos esta nova etapa da túa vida.